[1]అతనికెట్ల సతమైతినో కడు- హితవో పొందుల హితవో యెఱఁగ	॥అతని॥
హృదయము తలఁపున నిరవయినఁగదా పదిలమౌను లోపలిమాట వెదకిన చిత్తము వెర వెఱఁగదు నే - నెదిరి నెఱఁగ నే నేమియు నెఱఁగ	॥అతని॥
కాలూఁద మనసు గలిగి కదా నా తాలిమి మతిలోఁ దగులౌట మేలిమి పతితో మెలఁగుటేదో నే - నేలో నే నిపుడెక్కడో యెఱఁగ	॥అతని॥
నేఁడని రేపని నే నెఱిఁగి కదా పోఁడిమి మతిలో పొలుపౌట వాఁడే వేంకటేశ్వరుఁడు రాఁగలిగె [2]ఆఁడుజన్మమేనౌటిది యెఱుఁగ	॥అతని॥

---

^[1] ఇది శృంగారకీర్తనలలో నుండదగినది.

^[2] ఆఁడుజన్మము + ఏను + ఔట.