తప్పదు తప్పదు దైవము కృప యిది ముప్పిరి నింతా ముకుందుఁడే	॥తప్పదు॥
వెక్కసపు మతి వెలుతురు దీరిన- నెక్కడ చూచిన నీశ్వరుఁడే గుక్కక యాసలు గోసివేసినను నిక్క మడుగడుగు నిధానమే	॥తప్పదు॥
పొంచి శరీరపుభోగము లుడిగిన చుంచుఁబాపములు సుకృతములే[1] [2]దంచెడి విషయపు తగులమిఁ(ము?) బాసిన యెంచి చూచినను యిహమే పరము	॥తప్పదు॥
శ్రీవేంకటపతి సేవే కలిగిన వేవేలు వగలు వేడుకలే చేవదీరె సందియము లేదిదే[3] భావము నమ్మిన ప్రసన్నులకును	॥తప్పదు॥

---

^[1] ‘సుగృతములే’ రేకు.

^[2] ‘దంచేటి’ రేకు.

^[3] ఈ పాదమున యతి లేదు. ‘చావదీరె సంశయము లేనిదె’ అని పాఠము గాఁబోలును. ‘చేవ’యే ‘చావ’గా వ్రాతలోనుండుట సామాన్యము.