ఆంధ్రభారతి - తాళ్లపాక అన్నమాచార్య కీర్తనలు - ఇందిరానాయక యిదివో మాపాటు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 79-4
సంపుటము: 1-379

తాళ్లపాక అన్నమాచార్య

రాగము: రామక్రియ

ఇందిరానాయక యిదివో మాపాటు చెంది నీవే గతి చేకొనవయ్యా	॥ఇందిరా॥
తీసీఁ గోరిక తీదీపు లొకవంక లాసీ సంసారలంపటము మూసీఁ గర్మము మునుకొని పరచింత సేసేదేమిఁకఁ జెప్పే దేమి	॥ఇందిరా॥
వంచీ నాసలు వలసినచోటికి పొంచీ దుర్గుణభోగములు ముంచీ యౌవనమోహాంధకారము యెంచేదేమి సోదించేదేమి	॥ఇందిరా॥
యెఱిఁగీఁ జిత్తము యించుకించుక నిన్ను మఱవని నీపై భక్తి మతినుండఁగా నెఱి శ్రీవేంకటపతి నీవే కాతువుగాక వెఱచి నేఁ జేసే విన్నపమేమి	॥ఇందిరా॥