ఆంధ్రభారతి - తాళ్లపాక అన్నమాచార్య కీర్తనలు - అభయ మభయమో హరి నీకు(వు?) - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 80-2
సంపుటము: 1-383

తాళ్లపాక అన్నమాచార్య

రాగము: పాడి

అభయ మభయమో హరి నీకు(వు?) విభుఁడ వింతటికి వెర విఁక నేది	॥అభయ॥
జడిగొని మదిలో శాంతము నిలువదు కడుఁ గడు దుస్సంగతి వలన యిడుమ లేని సుఖ మించుక గానము అడియాసల నా యలమటవలన	॥అభయ॥
తలఁపులోన నీ తత్వము నిలువదు పలు లంపటముల భ్రమవలన కలిగిన విజ్ఞాన గతియును దాఁగెను వెలి విషయపు పిరివీకుల వలన	॥అభయ॥
పక్కనఁ బాపపు బంధము లూడెను చిక్కక నినుఁ దలఁచిన వలన చిక్కులు వాసెను శ్రీవేంకటపతి నిక్కము నా కిదె నీకృప వలన	॥అభయ॥