సులభుఁడు మధుసూదనుఁడు మన- మెలమి నమ్మిన నిట్టే సుండీ	॥సులభు॥
పడుచు మాటన కా[1] ప్రహ్లాదునెదుట పొడచూపె నాదిపురుషుఁడు అడవి దేహనక ఆ దంతిమొఱకును తడవి కాచిన దైవము సుండీ	॥సులభు॥
ఆఁడుమాటలనక అంతలో ద్రౌపదిని వాఁడిమిఁ గాచిన వరదుఁడు పోఁడిమిఁ బేదనక పొందిన కుచేలుని[2] వీఁడె సంపదిచ్చె విష్ణుఁడు సుండీ[3]	॥సులభు॥
వీరువారన కిదె వేఁడిన వరములు సారెకు నిచ్చిన సర్వేశుఁడు మేరతో లోకముల మెఱసె నిప్పుడును యీ రీతి శ్రీవేంకటేశుఁడే సుండీ	॥సులభు॥

---

^[1] ‘ప్లంహ్లాదు’ రేకు.

^[2] ‘కుచేలునికి’ లేక ‘కుచేలుకు’ కావచ్చు.

^[3] ‘సుమ్మీ’ రేకు.