ఆంధ్రభారతి - తాళ్లపాక అన్నమాచార్య కీర్తనలు - సకలజీవులకెల్ల సంజీవి యీ మందు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 94-4
సంపుటము: 1-468

తాళ్లపాక అన్నమాచార్య

రాగము: దేసాక్షి

సకలజీవులకెల్ల సంజీవి యీ మందు వెకలులై యిందరు సేవించరో యీ మందు	॥సకల॥
మూఁడులోకము లొక్కట ముంచి పెరిగినది పోఁడిమి నల్లనికాంతిఁ బొదలినది పేఁడుక కొమ్ములు నాల్గు పెనచి చేయివారినది నాఁడే శేషగిరిమీద నాఁటుకొన్న మందు	॥సకల॥
పడిగెలు వేయింటిపాము గాచుకున్నది కడు వేదశాస్త్రముల గబ్బు వేసేది యెడయక వొకకాంత యెక్కువ వుండినది కడలేని యంజనాద్రిగారుడపు మందు	॥సకల॥
బలుశంఖుఁజక్రముల బదనికె లున్నది తలఁచినవారికెల్లఁ దత్వమైనది అలరిన బ్రహ్మరుద్రాదులఁ బుట్టించినది వెలుఁగుతోడుత శ్రీవేంకటాద్రి మందు	॥సకల॥