ఆంధ్రభారతి - తాళ్లపాక అన్నమాచార్య కీర్తనలు - నేరిచి బ్రదికేవారు నీ దాసులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 98-5
సంపుటము: 1-493

తాళ్లపాక అన్నమాచార్య

రాగము: సాళంగం

నేరిచి బ్రదికేవారు నీ దాసులు నేరమిఁ బాసినవారు నీ దాసులు	॥నేరిచి॥
కామముఁ గ్రోధము రెంటీఁ గాదని విడిచి మంచి- నేమము వట్టినవారే నీదాసులు దోమటి బాపపుణ్యాలఁ దుంచివేసి చూడగాఁనే నీ మాయ గెలిచినారు నీ దాసులు	॥నేరిచి॥
కిక్కిరించిన యాసలఁ గిందవేసి మోక్షము నిక్కి నిక్కి చూచేవారు నీ దాసులు వెక్కసపు భక్తితోడ వెఱపు మఱపు లేక నెక్కొన్న మహిమవారు నీ దాసులు	॥నేరిచి॥
అట్టె వేదశాస్త్రముల అర్థము దేటపఱచి నెట్టుకొని మించినారు నీ దాసులు యిట్టె శ్రీవేంకటేశ యితరమార్గములెల్లా నెట్టువడఁ దోసినారు నీ దాసులు	॥నేరిచి॥