ముంచిన వేడుకతోడ మొక్కుట గాక కంచములోపలి కూడు కాలఁదన్న నేఁటికి	॥ముంచిన॥
వేదార్థములు నీవే విహరించిన సుద్దులే కాదని అవునని కొన్ని వాదములేల యేది నీవు సేసినాను యిన్నియును నియ్యకోలే సోదించనేఁటికి యందు సొట్టు లెంచఁనేటికి	॥ముంచిన॥
కర్మము లిన్నియును నీ కైంకర్యసాధనాలే అర్మిలిఁ దారతమ్యము లడుగనేల నిర్మితము నీ దింతే నెరసు లెంచంగనేల ధర్మమందు నింక గజదంతపరీక్షేఁటికి	॥ముంచిన॥
భక్తి యింతా నొక [1]ఘంటాపథము నీ శావలే యుక్తిఁ బాత్రాపాత్రములు యూహించనేల ముక్తికి శ్రీవేంకటేశ మూలము నీ పాదములు సక్తులయి నమ్ముటగాక [2]చలపదమేఁటికి	॥ముంచిన॥

---

^[1] ‘ఘంటాపథమునిశావలె’ పూ.ము.పా. ‘నీ సేవలే’ అనుటకు ‘నీ శావలే’ వ్యావహారికము.

^[2] చలపదము = తొట్రుకాలు కావచ్చు.