ఆంధ్రభారతి - తాళ్లపాక అన్నమాచార్య కీర్తనలు - అంతరుమాలినయట్టి అధములాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 103-5
సంపుటము: 2-17

తాళ్లపాక అన్నమాచార్య

రాగము: మలహరి

అంతరుమాలినయట్టి అధములాల పొంత సంతకూటమి పొరిచూపు గాదా	॥పల్లవి॥
కనక మిత్తడితోడ కలయ సరిదూఁచితే అనువవునా అది దోషమవుఁ గాక ఘనుఁడైన హరితోఁ గడుహీనదేవతల ననిచి సరివెట్టితే నయమవునా భువిని	॥అంత॥
పట్టభద్రుఁడు గూర్చుండే బలుసింహాసనముపై వెట్టిబంటుఁ బెట్టేవారు వెఱ్ఱులేకారా గట్టిగా శ్రీహరితోడ కలగంపదేవతలఁ బెట్టి కొలుచుట విందువెట్టి పగగాదా	॥అంత॥
కొంచక సింహముండేటి గుహ నుండవచ్చునా పొంచి నక్కలకెల్ల బొక్కలే కాక అంచెల శ్రీవేంకటేశుఁ డాత్మలోనే వుండఁగాను కొంచపుదైవాల పలువంచలనే కాక	॥అంత॥