ఆంధ్రభారతి - తాళ్లపాక అన్నమాచార్య కీర్తనలు - కల్లమాడ దొడ్డముద్ర కటకటా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 103-6
సంపుటము: 2-18

తాళ్లపాక అన్నమాచార్య

రాగము: దేవగాంధారి

కల్లమాడ దొడ్డముద్ర కటకటా చెల్లుబడి కల్లలు చెప్పేరు లోకులు	॥పల్లవి॥
యిప్పుడేలే బ్రహ్మదేవుఁడిట్టే వుండఁగ మీఁదటి- వొప్పగు బ్రహ్మపట్టము వొకరికి వెచ్చపెట్టి అప్పటి మూఁడుమూర్తులయందులో నీతని సరి- చెప్పఁబొయ్యే రీమాట చెల్లునా లోకులకు	॥కల్ల॥
కైలాసము రుద్రుఁడుగల బ్రహ్మాండకోట్లు పోలించి విష్ణుఁడు కడుపున నించుకుండఁగాను చాలి మూఁడుమూర్తులలో సరి యీతఁ డంటాను కూళలై యాడేరు గాక కూడునా లోకులకు	॥కల్ల॥
ఘనుఁ డీతనిపాదము గడిగె బ్రహ్మదేవుఁడు మునుముట్టి శిరసున మోఁచె శివుఁడు వొనర మూఁడుమూర్తులం దొకఁడు శ్రీవేంకటేశుఁ- డనుమాట యిది తగవవునా లోకులకు	॥కల్ల॥