ఆంధ్రభారతి - తాళ్లపాక అన్నమాచార్య కీర్తనలు - విభుఁడ వింతటికి వెరవుతో ననుఁగావు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 111-6
సంపుటము: 2-66

తాళ్లపాక అన్నమాచార్య

రాగము: పాడి

విభుఁడ వింతటికి వెరవుతో ననుఁగావు అభయహస్తముతోడి ఆదిమూలమా	॥పల్లవి॥
పలులంపటాలచేతఁ బాటుపడి పాటుపడి అలసితిఁ గావవే వో ఆదిమూలమా చలమరి యితరసంసారభ్రాంతిఁ జిక్కితి న- న్నలరించి కావవే వో ఆదిమూలమా	॥విభుఁ॥
యెంతకైన నాసలచే యేఁగేఁగి వేసరితి- నంత కోపఁ గావవే వో ఆదిమూలమా సంతల చుట్టరికాల జడిసితి నిఁకఁ గావు అంతరాత్మ నాపాలి ‌ఆదిమూలమా	॥విభుఁ॥
రంటదెప్పు టింద్రియాల రవ్వైతిఁ గావవే వో- అంటిన శ్రీవేంకటాద్రి‌ ఆదిమూలమా గెంటక ముమ్మాటికని నీకే శర- ణంటిఁ గావవే వో ఆదిమూలమా	॥విభుఁ॥