ఆంధ్రభారతి - తాళ్లపాక అన్నమాచార్య కీర్తనలు - మూఁడే మాటలు మూఁడుమూండ్లు తొమ్మిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 150-5
సంపుటము: 2-233

తాళ్లపాక అన్నమాచార్య

రాగము: హిందోళవసంతం

మూఁడే మాటలు మూఁడుమూండ్లు తొమ్మిది వేడుకొని చదువరో వేదాంతరహస్యము	॥పల్లవి॥
జీవస్వరూపము చింతించి యంతటాను దేవుని వైభవము తెలిసి భావించి ప్రకృతిసంపద యిది యెఱుఁగుటే వేవేలువిధముల వేదాంతరహస్యము	॥మూఁడే॥
తనలోని జ్ఞానము తప్పకుండాఁ దలపోసి పనితోడ నందువల్ల భక్తినిలిపి మనికిగా వైరాగ్యము మఱవకుండుటే వినవలసినయట్టి వేదాంతరహస్యము	॥మూఁడే॥
వేడుకతో నాచార్యవిశ్వాసము గలిగి జాడల శరణాగతి సాధనముతో కూడి శ్రీవేంకటేశ్వరుఁగొలిచి దాసుఁడౌటే వీడని బ్రహ్మానంద వేదాంతరహస్యము	॥మూఁడే॥