ఆంధ్రభారతి - తాళ్లపాక అన్నమాచార్య కీర్తనలు - నీకేల యీగుణము నీ వేమి గట్టుకొంటివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 156-3
సంపుటము: 2-265

తాళ్లపాక అన్నమాచార్య

రాగము: ముఖారి

నీకేల యీగుణము నీ వేమి గట్టుకొంటివి యీకడ లాలించితే మే మిటు నిన్ను గొలుతుము	॥పల్లవి॥
మాటలకు లోఁగాని బ్రహ్మమనంటా దాఁచి దాఁచి మాటాడకుండేవు సుమ్మీ మాతో నీవు నీటున మనసులో నిలుపరానివాఁడనంటా పాటించి మాకుఁ బొడచూపకుంటే గతి యేది	॥నీకే॥
శ్రుతులకుఁ బట్టరాని చోద్యపు బ్రహ్మమనంటా మతకానఁ జిక్కక మానేవు సుమ్మీ పతివి నీ గంభీరము బయటఁబడీ నంటా అతిగోప్యాన ని న్నది యెట్ఱెఱిఁగేము	॥నీకే॥
మాయవన్నుకొనిన వుమ్మడిబ్రహ్మమనంటా యేయడనైననా భ్రమయించేవు మ్మీ పాయపు టలమేల్మంగపతివి శ్రీవేంకటేశ యీయెడ నీశరణంటి మిన్నిటా మమ్మేలుమీ	॥నీకే॥