ఆంధ్రభారతి - తాళ్లపాక అన్నమాచార్య కీర్తనలు - వారి వారి భాగ్యములు వ్రాసి వున్నవి నొసళ్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 157-2
సంపుటము: 2-270

తాళ్లపాక అన్నమాచార్య

రాగము: రామక్రియ

వారి వారి భాగ్యములు వ్రాసి వున్నవి నొసళ్ల ధీరతతో నేది మేలో తెలుసుకోరో	॥పల్లవి॥
అట్టే కొందరు మతము లన్నియు నేకమని పట్టవర్ధనము నెత్తిఁ బెట్టి చూపిరి జట్టిఁ గొందరు జీవులు జంగమే లింగముగాని- పుట్టుగెల్లా భస్మమని పూసుక చూపిరి	॥వారి॥
కొంద రేమియును లేదు కొట్టఁగొన లయమని అంది వట్టి లలాటశూన్యము చూపిరి కందువఁ గొందరు లక్ష్మీకాంతుఁ డంతరాత్మయని ముందే నామము శ్రీచూర్ణమునుఁ బెట్టి చూపిరి	॥వారి॥
చెలఁగి దిష్ట మిపుడు శ్రీవేంకటేశుఁడు అలమేలుమంగపతియై యున్నవాఁడు యిలవీర నీదాసుల కిట్టి భాగ్యరేఖలు వలసినవారికెల్లా వ్రాసినాఁడితఁడు	॥వారి॥