ఆంధ్రభారతి - తాళ్లపాక అన్నమాచార్య కీర్తనలు - ఇంతిజవ్వనవనాన నిన్నియు నెలకొనెను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 159-4
సంపుటము: 2-286

తాళ్లపాక అన్నమాచార్య

రాగము: ముఖారి

ఇంతిజవ్వనవనాన నిన్నియు నెలకొనెను వంతులవాసులతోడ వలరాచపౌఁజులు	॥పల్లవి॥
కుతిలాలు మాని సరిఁ గూచున్నవి చూడవే సతి యురముమీఁదట చక్రవాకాలు గతిగూడ గుంపుగట్టి కాఁపురము సేసీనవే మితిమీరి శిరసుపై మేఁటితుమ్మిదలు	॥ఇంతి॥
కలికితనాలతోఁడ గడు మించీఁగదవే జలజాక్షివమోముననే చకోరములు పలుకులలోననే పాదుకొనె నిపు డిట్టె చెలరేఁగి మోవిమీఁద చిలుకమొత్తములు	॥ఇంతి॥
తగు శ్రీవేంకటేశ్వరుదండ నిల్చీఁ జూడవే మగువ నడపులనే మంచిహంసలు మిగుల రతివేళను మెరసీఁ దా మిన్నిటాను పగటుఁ గుత్తికలోన పావురములు	॥ఇంతి॥