ఆంధ్రభారతి - తాళ్లపాక అన్నమాచార్య కీర్తనలు - జతనము జతనము సర్వేశు నగరిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 166-2
సంపుటము: 2-318

తాళ్లపాక అన్నమాచార్య

రాగము: రామక్రియ

జతనము జతనము సర్వేశు నగరిది బతుకుఁ దోవ యిదె బడకరము	॥పల్లవి॥
హృదయములోపల నీశ్వరుఁడున్నాఁడు పదిలము మనసా బడకరము తుద నల కామాదులఁ జొర నియ్యక పదరక కావుము బడకరము	॥జత॥
యెంచుకొనీనిదే యేలిక మిము నిఁక పంచభూతములాల బడకరము మించిన పురి తొమ్మిదివాకిళ్లను పంచుక వున్నారు బడకరము	॥జత॥
నడుమ నడుమఁ బ్రాణములాలా మీరు బడివాయకుండరో బడకరము యెడయక శ్రీవేంకటేశ్వరునకు మీరు బడలక కొలువరో బడకరము	॥జత॥