ఆంధ్రభారతి - తాళ్లపాక అన్నమాచార్య కీర్తనలు - జగమంతా నీమయము సర్వం విష్ణుమయంబు గాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 177-1
సంపుటము: 2-381

తాళ్లపాక అన్నమాచార్య

రాగము: గుజ్జరి

జగమంతా నీమయము సర్వం విష్ణుమయంబు గాన యెనయుచు నేఁగర్మమార్గముల నితరదేవతల భజియించెదను	॥పల్లవి॥
యెనయుచు నేఁగర్మమార్గముల నితరదేవతల భజియించెదను అని యపరాధం బెంచకుమీ అన్యము నీకంటె మరి లేదు పనివడి "మత్తఃపరతరం" బని పలికితి విన్నియు నీ యాజ్ఞలు	॥జగ॥
దేవ నావుదరపోషణకు తివిరి హింస చేసెదను నీ విది నావల నెంచకుమీ నీవే అఖండ చేతన్యుఁడవు దేవ మిము "నై తేన వినా తృణాగ్రమపి" యని శ్రుతి వొగడెడిని	॥జగ॥
భువిలో నాకట పూర్వకర్మమట పొఁగదునే నీసరణి నీయడను అవి నా కేమియుఁ బనిలేవు అంతరియామివి నీవు అవలను "త్వమేవ శరణం గతి" యనుటది నమ్మితి శ్రీవేంకటనిలయా	॥జగ॥