ఆంధ్రభారతి - తాళ్లపాక అన్నమాచార్య కీర్తనలు - అదియేల తా మాను మాయందు నిష్టూరమే కాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 178-4
సంపుటము: 2-389

తాళ్లపాక అన్నమాచార్య

రాగము: గుండక్రియ

అదియేల తా మాను మాయందు నిష్టూరమే కాక చెదరి విత్తొకటియుఁ జెట్టొకటి యౌనా	॥పల్లవి॥
కడుఁ బుణ్యపాపాలు గలిగిన జన్మము చెడుఁ బుణ్యపాపాలు సేయకుండీనా పుడమిలో ముష్టిమానఁ బొడమిన శాఖలు బడి ముష్టిపండ్లై పండకుండీనా	॥అది॥
పంచేంద్రియాలఁ బుట్టి పరగిన యీమేను పంచేంద్రియాలమీఁది భ్రమ మానీనా పొంచి హేయములోనఁ బుట్టిన కీటములెల్ల కొంచి హేయమే చవిగొనకుండీనా	॥అది॥
శ్రీవేంకటేశ నీవుచేసిన యీమాయలు నీవల్ల మానుఁ గాక నేఁ గర్తనా దైవమవై నాలోనఁ దగిలి నాదుర్గుణాలు వేవేగ మానుపఁగ వెతదీరెఁ గాక	॥అది॥