ఆంధ్రభారతి - తాళ్లపాక అన్నమాచార్య కీర్తనలు - అల్పశక్తివాఁడ నేను అధికశక్తివి నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 178-5
సంపుటము: 2-390

తాళ్లపాక అన్నమాచార్య

రాగము: శ్రీరాగం

అల్పశక్తివాఁడ నేను అధికశక్తివి నీవు పోల్ప నెంతపనికిఁ బూనితినయ్యా	॥పల్లవి॥
నీపదధ్యానములోనే నిండెను నామనసెల్ల యేపున నీసాకార మేమిట భావింతునయ్య చూపు నీసింగారమందే చొక్కి తగులాయ నిదె ఆఁపి నే నీయంగకాంతు ల వేమిట జూతునయ్య	॥అల్ప॥
నాలుక నీకడలేని నామములే నుడిగీవి మేలిమి నీగుణము లేమిటఁ బొగడుదునయ్య గాలివంటివీనులు నీకథలఁ దనిసెనయ్య యీలీల నీయనంతమహిమ యెందు విందునయ్య	॥అల్ప॥
నీకు శరణని యిట్టె నే ధన్యుఁడనైతి యీకడ నీసేవ సేసి యేమి గట్టుకొందునయ్య శ్రీకాంతుఁడవైన శ్రీవేంకటేశ నీకు వూఁకొన నాజన్మఫల మొకమొక్కు చాలునయ్య	॥అల్ప॥