ఆంధ్రభారతి - తాళ్లపాక అన్నమాచార్య కీర్తనలు - నీవే మూలమువో నేరిచిన పెద్దలకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 179-3
సంపుటము: 2-394

తాళ్లపాక అన్నమాచార్య

రాగము: సాళంగం

నీవే మూలమువో నేరిచిన పెద్దలకు దేవుఁడు నీయందులోనే తిరమాయ నిదివో	॥పల్లవి॥
బాపురే వో దేహమా బాపురే వో నీవు వోపి నేఁ బెట్టినకొద్ది నుందువుగా రూపు నీవు గలిగితే రుచులెల్లఁ గానఁ గద్దు చాపలాన ధర్మములు సాధింపఁగలదు	॥నీవే॥
మెచ్చితి నోమనసా మెచ్చితివో నీవూ నా- యిచ్చకొలది నెందైనా నేఁగుదువు గా అచ్చపు నీకతమున నవుఁగాము లెంచఁ గద్దు పచ్చిగా యేముర్తినైనా భావించఁగలదు	॥నీవే॥
మేలు మేలు నాలికె మేలు మేలు నీవు వోలి యేమాటకునైనా నొనరుదుగా చాలి నీవు మెలఁగంగ చదువు చదువఁ గద్దు పోలించి శ్రీవేంకటేశుఁ బొగడఁగఁగలదు	॥నీవే॥