ఆంధ్రభారతి - తాళ్లపాక అన్నమాచార్య కీర్తనలు - జలజనాభ హరి జయ జయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 179-5
సంపుటము: 2-396

తాళ్లపాక అన్నమాచార్య

రాగము: భవుళి

జలజనాభ హరి జయ జయ యిల మా నేరము లెంచకువయ్యా	॥పల్లవి॥
బహుముఖముల నీప్రపంచము సహజగుణంబుల చంచలము మహిమల నీ విది మరి దిగవిడువవు విహరణ జీవులు విడువఁగఁగలరా	॥జల॥
పలునటనల యీప్రకృతి యిది తెలియఁగఁ గడునింద్రియవశము కలిసి నీ వందే కాఁపురము మలినపు జీవులు మానఁగఁగలరా	॥జల॥
యిరవుగ శ్రీవేంకటేశుఁడ నీమాయ మరలుచ నీవే సమర్థుఁడవు శరణనుటకే నే శక్తుఁడను పరు లెవ్వరైనాఁ బాపఁగఁగలరా	॥జల॥