ఆంధ్రభారతి - తాళ్లపాక అన్నమాచార్య కీర్తనలు - ఇందుకా కోరి పుట్టె యిట్టి బదుకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 180-1
సంపుటము: 2-397

తాళ్లపాక అన్నమాచార్య

రాగము: సామంతం

ఇందుకా కోరి పుట్టె యిట్టి బదుకు పొందుల శ్రీహరితోడి పొత్తుల మా బదుకు	॥పల్లవి॥
బడబాగ్ని ఆఁకటిబారిఁబడ్డ బ్రదుకు పడఁతులకూటములఁ బడ్డ బదుకు వొడలి తోలినెమ్ముల వొడగట్టే బదుకు బడిఁ బుణ్యపాపాలపై తరవు బదుకు	॥ఇందు॥
నాలుక గడచితేను నరకపు బదుకు మూలమలమూత్రాల మూటగట్టే బదుకు కాలము నడిసి వూర్పుగాలిఁబుచ్చే బదుకు పాలుమాలే యింద్రియాల పంగెమాయె బదుకు	॥ఇందు॥
ఇంపు సుఖదుఃఖాల యెండనీడ బదుకు మంపుఁ గామక్రోధాలమాటు బదుకు జంపుల శ్రీవేంకటేశుశరణు చొరఁగ నేఁడు సొంపు లిన్నిటా నాకు సుఖమాయ బదుకు	॥ఇందు॥