ఆంధ్రభారతి - తాళ్లపాక అన్నమాచార్య కీర్తనలు - నీ వెరఁగనిది లేదు నీయాజ్ఞ మోచితి నింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 180-2
సంపుటము: 2-398

తాళ్లపాక అన్నమాచార్య

రాగము: రేవగుప్తి

నీ వెరఁగనిది లేదు నీయాజ్ఞ మోచితి నింతే నీవాఁడ నింతె హరి నే ననఁ జోటేది	॥పల్లవి॥
కన్నుల కెందైనఁ జూపుకలది భావము యెన్నఁగ నాయందుఁ బాప మెంచఁ జోటేది విన్ననై చెవుల కింపు వినుట స్వభావము పన్నిన కర్మాలు నన్నుఁ బైకొనఁ జోటేది	॥నీవె॥
నాలికకుఁ జవియైతే నమలుటే సహజము నాలి అభోజ్యపునింద నాకుఁ బనేమి మూల వాసనగొనేది ముక్కుకు సహజము జోలిబంధములు నన్నుఁ జుట్టఁగఁ జోటేది	॥నీ వె॥
కాయము కాయముపొంతఁ గరఁగుటే ఆగుణము సేయని చేఁతలు నాపైఁ జెప్పఁ జోటేది యీయెడ శ్రీవేంకటేశ యిన్నిటిలో నన్నుఁ బెట్టి పాయక నాలో నుందువు పట్టఁగఁ జోటేది	॥నీవె॥