ఆంధ్రభారతి - తాళ్లపాక అన్నమాచార్య కీర్తనలు - ఇదివో వున్నార మింతట నంతట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 180-3
సంపుటము: 2-399

తాళ్లపాక అన్నమాచార్య

రాగము: లలిత

ఇదివో వున్నార మింతట నంతట వెదకి కదియకుమీ విష్ణుని మాయ	॥పల్లవి॥
హరిదాసులము హరికింకరులము కరివరదుని డింగరులము యిరవెఱిఁగితిననక యెఁఱగననక సరి మాగురుతిది సర్వేశు మాయ	॥ఇది॥
హితులము శరణాగతులము కేశవ- వ్రతులము వైష్ణవమతులము గతి నినుఁ బాసితి కడు నిఁక మామీఁద తతి దయమరవకు దైవము మాయ	॥ఇది॥
శ్రీవైష్ణవులము శ్రీవేంకటపతి భావింప నితని పరికరము యీవలనావల నిహపరములకును తోవ దొలఁగుమీ తొలిఁదొలి మాయ	॥ఇది॥