ఆంధ్రభారతి - తాళ్లపాక అన్నమాచార్య కీర్తనలు - అదియే విష్ణుపదము ఆతుమకు నెలవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 180-6
సంపుటము: 2-402

తాళ్లపాక అన్నమాచార్య

రాగము: శంకరాభరణం

అదియే విష్ణుపదము ఆతుమకు నెలవు అదే జననకారణ మాకాశపదము	॥పల్లవి॥
మంచిమాఁటలైనాఁ గానిమాటలైన నొకచోట ముంచిముంచి యాకాశముననే యణఁగును యెంచరాని నిట్టూర్పు లెన్ని వొడమినాను అంచల నణఁగిపోవు నాకాశమును	॥అది॥
చూపులెంత దవ్వైనా సూర్యచంద్రులఁ దాఁకి ఆపొంతనే యణఁగు నాకాశమునను రూపుల మైనీడలును రుచులఁ గాలత్రయము పైపైనే యణఁగును బహిరాకాశమున	॥అది॥
యిలఁ జీఁకటి వెలుఁగు యెండ నహోరాత్రాలఁ గలసి మెలఁగు నాకాశతత్వమున చలువై శ్రీవేంకటేశు సాకారనిరాకారా- లలరి వెలుఁగుచుండు నంతరాకాశమున	॥అది॥