ఆంధ్రభారతి - తాళ్లపాక అన్నమాచార్య కీర్తనలు - ఇతని కితఁడేకాక యితరులు సరియా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 181-3
సంపుటము: 2-405

తాళ్లపాక అన్నమాచార్య

రాగము: నాట

ఇతని కితఁడేకాక యితరులు సరియా మితి లోకా లితని మేనిలోనే కావా	॥పల్లవి॥
కమలనాభుని భయంకరకోపముతోడ రమణ వేరొకరివరంబులు సరియా తమితోడఁ దల దుంచి తగినవరము లిచ్చె అమరఁగ నరకాసురాదులకు నితఁడు	॥ఇత॥
కరివరదుని పేరుగలసిన తిట్లతో పరదేవతల మంత్రపఠనలు సరియా నిరతి శిశుపాలుని నిందకు శిక్షించి పరలోక మిచ్చినట్టి భావము వినరా	॥ఇత॥
చలిమి శ్రీవేంకటేశు శరణాగతితోడ బలిమి మించిన బ్రహ్మపట్టము సరియా వొలిసిన ధ్రువునకు వున్నతలోక మిచ్చె అల బ్రహ్మలోకమున కదె మీఁ దెఱఁగరా	॥ఇత॥