ఆంధ్రభారతి - తాళ్లపాక అన్నమాచార్య కీర్తనలు - గొరబై మొదలుండఁగఁ గొనలకు నీరేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 181-4
సంపుటము: 2-406

తాళ్లపాక అన్నమాచార్య

రాగము: పాడి

గొరబై మొదలుండఁగఁ గొనలకు నీరేల దొరదైవ మితఁడే తుదఁగల ఫలము	॥పల్లవి॥
క్రతువులు హరియే కర్మము హరియే పితరులకు హరియే పెనుఁదృప్తి సతతమంత్రముల సారము హరియే యితనిసేవే పో యిన్నిటి ఫలము	॥గొర॥
అనలము హరియే ఆహుతి హరియే జననీజనకుల సరవి హరే పనివడి వేదముఁ బ్రణవము హరియే యెనసితని పూజ యిన్నిట ఫలము	॥గొర॥
యేలికె హరియే యిరవును హరియే వాలాయము సర్వము హరియే కాలము శ్రీవేంకటగిరి హరియే నేల నీతని శరణే సఫలంబు	॥గొర॥