ఆంధ్రభారతి - తాళ్లపాక అన్నమాచార్య కీర్తనలు - దొంతివిషయములాల దొరలాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 181-5
సంపుటము: 2-407

తాళ్లపాక అన్నమాచార్య

రాగము: లలిత

దొంతివిషయములాల దొరలాల చెంత మీఁదటి బుద్ధి చెప్పరో మాకు	॥పల్లవి॥
దురితంబు లొకకొన్ని దుర్గుణము లొకకొన్ని మరుగుటలు గొన్ని మర్మములు గొన్ని ధర నెరుక లొకకొన్ని తగ నెరఁగములు గొన్ని యిరవు మనపంట లివి యెందు వోయుదమో	॥దొంతి॥
ఆస లొకకొన్ని మిథ్యాచారములు గొన్ని వాసు లొకకొన్ని గర్వములు గొన్ని రేసు లోకకొన్ని మీరినరుచులు నొకకొన్ని యీసునఁ గడించితిమి యిముడఁ జోటేదో	॥దొంతి॥
వైరాగ్యములు గొన్ని వరభక్తు లొకకొన్ని నేరుపులు గొన్ని యిన్నియునుఁ గలిగి యీరీతి శ్రీవేంకటేశుగతి చేరితిమి మేర మిము మీరితిమి మీకు గతి యేదో	॥దొంతి॥