ఆంధ్రభారతి - తాళ్లపాక అన్నమాచార్య కీర్తనలు - ఏ వుపాయములు మాకిఁకఁ బనికిరావు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 181-6
సంపుటము: 2-408

తాళ్లపాక అన్నమాచార్య

రాగము: శుద్ధవసంతం

ఏ వుపాయములు మాకిఁకఁ బనికిరావు నీవే హరి కావవే నిరుహేతుకమున	॥పల్లవి॥
యివల నింద్రియజయం బేడ నే నేడ భువి నింద్రియములతోఁ బుట్టే నీతనువు అవల నిశ్చలబుద్ధి అది యేడ నే నేడ భవము చంచలమనసు పంగెమే యెపుడు	॥ఏవు॥
యెలమిఁ గర్మవిముక్తి యేడ నే నేడ తెలియంగఁ గర్మాధీన మీబ్రదుకు కుళకమగు సాత్త్వికపుగుణ మేడ నే నేడ కలియుగం బిది యిందుఁ గలవాఁడ నేను	॥ఏవు॥
తనివోని ఘోరతప మేడ నే నేడ అనిశంబు నీకు శరణాగతుఁడను యెనలేని శ్రీవేంకటేశ్వరుఁడ నీబిరుదు కనుఁగొనఁగ శరణాగతపారిజాతం	॥ఏవు॥