ఆంధ్రభారతి - తూము నరసింహదాసు కీర్తనలు - ఎవ రేమన్నారురా రాఘవ

నాదనామక్రియ - చాపు

పల్లవి:

ఎవ రేమన్నారురా రాఘవ - ని న్నెవ రేమన్నారురా

అనుపల్లవి:

ఎవ రేమన్నారు యినకులతిలక - నా చెవిలోన దెల్పు
మావల వారి దండింతు

చరణము(లు):

బాలురతో నాడి చాలయలసినావు
పాలిత్తు రమ్మన్న పరుగెత్తి డాగేవు

పిలిచిన బలుకవు నిలచి మాటాడవు
అలుకలు చేసెదవు ఆర్తశరణ్యా

ఇందు రమ్మని కర మంది పట్టినఁ బెనగి
చిందులు ద్రొక్కెద వెందుకురా సామి

ధరణిని నరసింహదాసుని వెంట నీ
వర లేక యున్నవాడ వనుచు నోర్వలేక