ఆంధ్రభారతి - త్యాగరాజ కీర్తనలు - చేసినదెల్ల మఱచితివో? ఓ రామ రామ!

తోడి - ఆది

పల్లవి:

చేసినదెల్ల మఱచితివో? ఓ రామ రామ! చే..

అను పల్లవి:

ఆసకొన్నట్టి నన్నలయించుటకు మున్ను చే..

చరణము(లు):

ఆలు నీకైన భక్తురాలనుచు నాడు
ప్రాలుమాలక రవిబాలుని చెలిమియు చే..

భాష తప్పకను విభీషణుని కొఱ కాది
శేషుఁడగు తమ్ముని పోషించమని రాజు చే..

రామా! శ్రీ త్యాగరాజ ప్రేమావతార! సీతా
భామ మాటలు దెల్ప భీమాంజనేయు బ్రహ్మ చే..