ఆంధ్రభారతి - త్యాగరాజ కీర్తనలు - తప్పి బ్రతికి పోవ

తోడి - రూపకము

పల్లవి:

తప్పి బ్రతికి పోవ - తరమా? రామ! కలిలో ॥తప్పి॥

అను పల్లవి:

ముప్పున విషయ తటాక - మున మునుగక దృఢ మనసై ॥తప్పి॥

చరణము(లు):

కంచుమొదలు లోహధన - కనకములను జూచి విష
మంచు మఱియు పెంచికనుచు - యెంచి యంటని మనసై ॥తప్పి॥

నంగనాచుల మానగు - యంగవస్త్రముల బాగగు
ముంగురులను గని యంత - రంగమునను యాశించక ॥తప్పి॥

జాజి మల్లె మందార సరోజములను - మనసార
రాజపథముచే త్యాగ - రాజనుతుని పూజించక ॥తప్పి॥