ఆంధ్రభారతి - త్యాగరాజ కీర్తనలు - దాచుకోవలెనా దాశరథి నీ దయ

తోడి - జంప

పల్లవి:

దాచుకోవలెనా దాశరథి నీ దయ దా..

అను పల్లవి:

జూచువారలలోన చులకనే ననుఁజూచి దా..

చరణము(లు):

కనికరము కాంతపైఁగలిగి ముద్దిడువేళ
జనకజ నా మాటసమయమని బల్కితే దా..

కరఁగి పదములవ్రాలఁ గని కరుణసేయువేళ
భరతుఁడెంతో నన్ను భక్తుఁడని పల్కితే దా..

నేమమునఁ బరిచర్య నేర్పును బొగడువేళ
సౌమిత్రి త్యాగరాజునిమాట బల్కితే దా..