ఆంధ్రభారతి - త్యాగరాజ కీర్తనలు - నగుమోము గలవాని నా మనోహరుని

మధ్యమావతి - ఆది

పల్లవి:

నగుమోము గలవాని నా మనోహరుని
జగమేలు శూరుని జానకీవరుని న..

చరణము(లు):

దేవాదిదేవుని దివ్యసుందరుని
శ్రీ వాసుదేవుని సీతారాఘవుని న..

సుజ్ఞాననిధిని సోమసూర్యలోచనుని
అజ్ఞానతమమును అణఁచు భాస్కరుని న..

నిర్మలాకారుని నిఖిలాఘహరుని
ధర్మాదిమోక్షంబు దయచేయు ఘనుని న..

బోధతోఁ బలుమాఱుపూజించి నే నా
రాధింతు శ్రీ త్యాగరాజసన్నుతుని న..