ఆంధ్రభారతి - త్యాగరాజ కీర్తనలు - రాజు వెడలెఁ జూతాము రారె కస్తూరి రంగ

దేశికతోడి - రూపక

పల్లవి:

రాజు వెడలెఁ జూతాము రారె కస్తూరి రంగ రా..

అను పల్లవి:

తేజి నెక్కి సామంతరాజు లూడిగము సేయ
తేజరిల్లు నవరత్నపు దివ్యభూషణము లిడి రంగ రా..

చరణము(లు):

కావేరీతీరమునను బావనమగు రంగపురిని
శ్రీవెలయు చిత్రవీథిలో వేడ్కగఁ రాగ
సేవను గని సురలు విరులచేఁ బ్రేమను పూజించఁగ
భావించి త్యాగరాజు బాడఁగ వైభోగరంగ రా..