ఆంధ్రభారతి - త్యాగరాజ కీర్తనలు - రాముని మఱవకవే ఓ మనసా

కేదారగౌళ - ఆది

పల్లవి:

రాముని మఱవకవే ఓ మనసా రా..

అను పల్లవి:

రాముని యాగముఁగాచిన పాప వి
రాముని సద్గుణధాముని సీతా రా..

చరణము(లు):

ధీరుని దైత్యవిదారుని లోకా
ధారుని వంశోద్ధారుని సీతా రా..

ధ్యేయుని మునిజనగేయుని ఘననిభ
కాయుని దేవరాయుని సీతా రా..

వాసవహృదయనివాసుని బహురవి
భాసుని శుభకరవేసుని సీతా రా..

గీతప్రియుని విధాతనుతుని కం
జాత బంధుకులజాతుని సీతా రా..

ఈ జగతిని అవ్యాజమున నాప్త స
మాజము నను బ్రోచు జగత్పతిని సీతా రా..

దానవహరు నీశానవినుతుని స
దా నరోత్తముల మానరక్షకుని రా..

శోభనదుని గిరిజాబాహుని దురి
తేభహరుని బహు ప్రభావుని సదా రా..

శీలిని సద్గుణశాలిని ఘనుని గ
పాలినుతుని వనమాలిని సీతా రా..

శ్రీగురుచరణములే గతి యనిన స
దా గతిజహితుని త్యాగరాజనుతుని రా..