ఆంధ్రభారతి - త్యాగరాజ కీర్తనలు - విదులకు మ్రొక్కెద సంగీత కో

మాయామాళవగౌళ - దేశాది

పల్లవి:

విదులకు మ్రొక్కెద సంగీత కో వి..

అను పల్లవి:

ముదమున శంకరకృతసామ నిగమ
విదులకు నాదాత్మక సప్తస్వర వి..

చరణము(లు):

కమలాగౌరీ వాగీశ్వరీ విధి గరుడధ్వజ శివనారదులు
అమరేశ భరత కాశ్యప చండీ శాంజనేయ గుహ గజముఖులు
సుమృకండుజ కుంభజ తుంబురు వరసోమేశ్వర శార్ఙ్గదేవ నందీ
ప్రముఖులగు త్యాగరాజ వంద్యులకు
బ్రహ్మానంద సుధాంబుధి మర్మ వి..