 |
    |
    |
 |
    |
    |
 |
 |
ఇతిహాసములు | ఉత్తరరామాయణము | పూర్వరామాయణ కథాసంగ్రహము |  |
పూర్వరామాయణ కథాసంగ్రహము
| కం. | ఆ ప్రో లమరావతి యమ రప్రభుఁ డేలు గతిఁ బంక్తిరథుఁ డేలు దినేం ద్రప్రతిభా సుప్రతిభా దీప్ర శుభాన్వితగుణ ప్రతిష్ఠానిధియై | 24 |
| సీ. | తన యాజిభావంబు గనిపించె సకలస - న్నుత సత్కళా ప్రవీణత వహించి తన గభీరత సూపెఁ దటినీమనోహర - ప్రఖ్యాతసఖ్య సంపదలఁ జెలఁగి తన ప్రభావము దెల్పెఁ దపననందన గర్వ - నిర్గ్రంధన క్రియా నిరతిఁ దనరి తన తేజ మెఱిఁగించె ననిమిషేశ్వర వజ్ర - దుస్సాధ దైత్య పంక్తుల వధించి | |
| గీ. | రాజమాత్రుండె యష్టదిగ్రాజవినుత రాజితయశః ప్రతాపనిర్దళిత రాజ హేళి రిపురాజభయదాజికేళి రాజ రాజ ధనశాలి దశరథ రాజమౌళి | 25 |
| తే.గీ. | ఆ నరేంద్రుండు బంధు సంతాన మలరి పొగడ సంతానభూజంబు పగిదిఁ బెద్ద కాలమిల యేలి సంతానకాంక్ష మించి శిష్టసమ్మతి నొక యిష్టి సేయునపుడు | 26 |
| మ. | అమరుల్ విష్ణునిఁ జేరి పంక్తివదనుం డత్రాసియై గాసి సే య మరుల్లోకము సంచలించె నిఁక మమ్మాపన్నులం బ్రోవ నా య మరుల్ నీ కెదురే జయింపఁగదవయ్యా యన్న లేనవ్వు డా య మరుల్కొల్పుచు వారి వీడ్కొలిపి దైత్యచ్ఛేదనోద్యోగియై | 27 |
| సీ. | శ్రీసూర్యకులసుధాసింధు వాకాంక్షించి - పాలమున్నీటిపై బాళి మాని సహసముద్భూత వాత్సల్య ముంపఁ దలంచి - చిలువరాపాన్పు నెలమి మాని యవనీసుతాంగసౌఖ్యము గాంచఁ గామించి - కలిమి తొయ్యలితోడి చెలిమి విడిచి యలఘుమానుష లీల లవధరింప దలంచి - తన యమానుష చర్యయును దొఱంగి | |
| గీ. | వనచరత్వంబుఁ బూని ప్రోవఁగఁదలంచి బ్రహ్మరుద్రాది దేవతా ప్రభుల మీఁది హాళియును మాని నందకాద్యాయుధాభి రాముఁ డయ్యెడ దశరథరాముఁడయ్యె | 28 |
| సీ. | చలిగట్టుదొరపట్టి జపియించు మంత్రంబు - వేయి ఱేకుల తమ్మి వెలయు నంచ పలుకుఁగొమ్మకు ఱేనిఁ గలిగించు తొలిపెద్ద - యీరేడు జగముల నేలు ఱేఁడు ప్రాఁబల్కు జవరాండ్ర బలఁగంపు ముచ్చట - పెనునీటఁ దేలాడు పిన్న పాప మరుగొంగ తలఁపు దామర మీఁది యెలదేఁటి - కలిమి యొయ్యారి నోముల ఫలంబు | |
| గీ. | కటిక చీఁకటి వెలుఁగు నెక్కటి వెలుంగు మేటి రేద్రిమ్మరుల గెంటు పోటుబంటు తొగలఁ దమ్ములఁ బ్రోచుకందోయిఁ జూచు వేల్పు కౌసల్య కొమరుఁడై వృద్ధినొందె | 29 |
| కం. | దారకుఁ డయి రఘువీరుఁ డు దారకుతూహలముతోడఁ దండ్రి వనుప బృం దారకు లెంచఁగ ముని బృం దారకు క్రతురక్ష కరిగెఁ దమ్ముఁడు గొలువన్ | 30 |
| వ. | ఈ విధంబునం గౌశికతపోవనంబునకు సవనావనంబు సేయం జనిన తదనంతరంబ | 31 |
| సీ. | హోమధూమంబుతో వ్యోమంబు వ్యాపించె - భీమదైత్య స్తోమధూమరుచులు సవనాగ్ని శిఖలతో దివిఁ బ్రాకె రేగాము - కఱకు జుంజుఱు వెండ్రుకల బెడంగు లనలకుండ స్ఫులింగాళితోఁ జదలానె - నసురదంతోద్ఘట్టనాగ్ని కణము లలఘుమంత్రారవంబులతోడ నిండె నా - కసము రాక్షస చమూకలకలములు | |
| గీ. | జటిల సంకల్పములతోడఁ జటుల దనుజ కుటిల సంకల్పములు మీఱెఁ గుశికతనయుఁ డసదృశప్రజ్ఞ రాఘవు నాజ్ఞచేత యజ్ఞదీక్ష వహించిన యాక్షణమున | 32 |
| ఉ. | దానవినీతినీతిగుణధాముఁడు రాముఁడు దొల్తఁ దాటకా దానవి ప్రాణముల్ గొనిన దారుణశాతశిలీముఖంబునం దా నవిరాజమున్ నముచిదానవసూదనుఁ డుర్విఁ గూల్చు చం దాన విరాజమానభుజదర్పముతోఁ గెడపెన్ సుబాహునిన్ | 33 |
| కం. | పారమ్ములేని వడిగల పాఱమ్మున రఘువరుండు వడనేసె నకూ పాఱరమ్మునఁ గుటిలవ్యా పారమ్మున మెలఁగు నలఘుబలు మారీచున్ | 34 |
| వ. | అప్పుడు | 35 |
| ఉ. | జన్నము నిర్వహించితని సన్మును లెంచఁగ నింత చిన్న రా జన్నము గల్గఁ జేసె మనకందఱ కంచు సురల్ ప్రకీర్తనం బన్న మునీంద్రుతో జనకుపాలికిఁ బోవుచుఁ ద్రోవ శాపపుం బన్నముఁ బాపె గౌతమికి భానుకులుండు నిజాంఘ్రిసంగతిన్ | 36 |
| సీ. | నిటలాక్షు ధనువుఁ ద్రుంచుటకుఁ గౌశికుఁ డెట్టు - లనుమతించె నటంచు నమరు లనఁగఁ జెలికాని ధర్మంబుఁ జెఱుపఁ గాకుత్స్థుఁడే - గతిఁ బూనె నని శైవగణము నుడువఁ గడిఁది విల్ దునియు చప్పుడు వీనులకు విందు - సేయు నెప్పు డటంచు సీత దలఁప నితఁ డల్లుఁడైన శ్రీపతిమామయగు రమా - జనకుఁ బోలనె యంచు జనకుఁ డెంచ | |
| గీ. | హరధనుర్భంగ కార్య మెవ్వరికిఁ దెలిపి సూడు పుట్టింతు నని నిల్చుచో నిలువక కలహభోజనమౌని నల్గడలఁ దిరుగ శివుని విలు ద్రుంచె రఘువీరశేఖరుండు | 37 |
| మ. | హరకోదండవిఖండన ప్రవణ బాహాదండపాండిత్య వి స్భురణం జెందిన కీర్తి లక్ష్మివలె భూపుత్రీలలామంబు సే కుఱ నక్కోమలి కొప్పుఁ దేఁటి తెగకున్ గుందంబు లర్పించు పో ల్కి రఘుగ్రామణి క్రొత్తముత్తియపుఁ బ్రాల్నించెన్ వివాహంబునన్ | 38 |
| ఉ. | బాడబశూర! నిం జెనకు పార్థివు లెవ్వ రటంచుఁ గేరడం బాడి బలా యిదేటి మదమంచు భృగూద్వహు గర్వవార్ధికిన్ బాడబ మౌ ప్రతాపము గనంబడఁ జేసి దివిన్ సురీజనం బాడ బలంబుతో రఘుకులాగ్రణి సేరె నయోధ్య వేడుకన్ | 39 |
| మ. | తనుహేమం బధరాబ్జరాగమణియున్ ధమ్మిల్ల నీలంబు నా ననపద్మంబు నఖాంశుమౌక్తిక వితానంబున్ గటీచక్రమున్ స్తనదుర్గంబులుఁగల్గి రాజ్యరమచందం బొందు భూపుత్రితో జనకాజ్ఞన్ వనిఁ జేరె రాముఁ డెలమిన్ సౌమిత్రి సేవింపఁగన్ | 40 |
| సీ. | చిత్రకూటమణీవిచిత్రకూట సుఖేట - చిత్రకూటస్థలాసీనుఁ డగుచు దండకాశరభవేదండకాసరముఖో - ద్దండకాననమృగధ్వంసి యగుచు మానవారితపూజ్యమానవాస విరాధ - మానవాద హిమోగ్ర భానుఁడగుచు దానవాగ్ని భిదానిదానవార్య భయప్ర - దానవాక్పరితుష్టమౌని యగుచు | |
| గీ. | దూషణాలాపఖర ఖర దూషణామ రేషణద్వేషణానీక శోషణాతి భీషణాశని ఘోషణాశ్లేషణాస్త్ర పోషణుఁడు మించె రఘువంశ భూషణుండు | 41 |
| వ. | తత్కాలంబునన్ | 42 |
| ఉ. | శూర్పణఖోక్తిమారుతము సోఁక దశాస్యుఁడు కోపవహ్నియున్ దర్పకరోషవహ్నియు నెదం దగులం దగునీతి డెందముం జేర్పక మాయలేడివలెఁ జేసి సుబాహునియన్న నంపినన్ దర్పమెలర్ప వాఁడు రఘునందను ముందర చేష్ట లొందఁగన్ | 43 |
| పంచచామరము | నరాదుఁ డీమృగంబు డంబునన్ వనంబులోనఁ గా నరా దురాశ సీత దెల్పినన్ నరేంద్ర! వేఁటఁబూ నరాదు మాయ యంచుఁ దో డనంగ నవ్వుకొంచుఁ గి న్నరాదులెంచ రామభూమినాథుఁ డేఁగె వెంబడిన్ | 44 |
| శా. | సారంగంబు దయాంతరంగమున మున్ సంరక్ష గావించి యా సారంగంబు హరించు టెట్లనక కాంక్షన్ సీత వర్షాబ్దమున్ సారంగంబువలెన్ నిజాగతిఁ దలంచం దన్మనః పద్మినీ సారంగంబు విభుండు పట్టువడ కేఁచన్ లేడిఁ జంపెన్ దుదిన్ | 45 |
| వ. | ఇవ్విధంబునఁ గుహనాహరిణంబున్ మరణంబు నొందించి యత్తరణి కులాభరణంబు మరల నరుదెంచి పంచవటిం ప్రవేశించి | 46 |
| చం. | అవనిజఁ బర్ణశాల కడ నారసి కానక రాముఁ డింపు వా య వనిఁ జరింపుచుం జని జటాయువు దెల్పఁగ భార్యకార్య మొ ప్ప విని ఘనాకబంధునిఁ గబంధునిఁ ద్రుంచి కిరాతిపూజ ల ప్పవినిభసాయకుండు గొని పంపకడన్ వసియించి యున్నెడన్ | 47 |
| సీ. | హిమధామకర కుందసుమధామ శరబృంద - సమధామమై జన్నిదము పొసంగ వినుఁగెంపునగఁజాలు నునుఁగెంపు తెగ డాలు - మొనయింపు కుండలంబులు వెలుంగ శుచిరత్నవరనీలరుచి నూత్న హరినీల - సుచిరత్న హారరోచులు సెలంగఁ దులకించు తొలుకారు బలుమించుఁ బలుమాఱు - నలయించు మేనికాంతులు రహింపఁ | |
| గీ. | బసిఁడిముంజియు హొంబట్టుఁ బంచ హేమ కంకణంబులు నరుణముఖంబు దీర్ఘ వాలమును గల్గు నొక మహావానరుఁడు వచ్చి పొడగన్న రఘువంశవర్యుఁ డలరి | 48 |
| ఉ. | ఆయన భక్తి యుక్తిఁ దన కంబుజమిత్త్రుని పుత్త్రు మిత్త్రునిం జేయ బహూకరింపుచు నజేయభుజాయత శక్తితో శతా రాయుత శాతబాణహతి నైంద్రి సురేంద్రునిఁ జూడ నంపి తా రాయుతమైన ప్రాజ్యకపిరాజ్య మొసంగెఁ బతంగసూతికిన్ | 49 |
| కం. | ఈలాగున రఘువీర నృ పాలుఁడు సుగ్రీవునెడఁ గృపాళుం డగుచున్ మేలు ఘటియించి కపిపద మేలుమనుచు వాన కొక్కయెడ వసియించెన్ | 50 |
| వ. | తత్కాలంబునన్ | 51 |
| సీ. | కాదంబినులు మానసోదంబులనె యుండెఁ - గాదంబినులు నభోంగణము నిండెఁ జాతకంబులు జాలిఁ జాలించె దవశిఖా - జాత కంబులు సముజ్జ్వలత డించెఁ బుండరీకముల భూపుఁడు డాఁపు సెలవిచ్చెఁ - బుండరీకముల గుంపులును హెచ్చెఁ జంచలాలోకాప్తి సంసారి వర్తించెఁ - జంచలాలోకాప్తిఁ జదలు మించె | |
| గీ. | స్తనితములు మీఱెఁ గరకలు ధాత్రిఁ జాఱె నదులు వడిఁబాఱె మృగములు పొదలు దూఱెఁ గర్షకుఁడు మెచ్చె వలిమిరి గాడ్పు హెచ్చె వనధి బహుఘోషమున నార్చె వాన పేర్చె | 52 |
| ఉ. | వానకరంబు దీటయు వానరనాథుఁ డనేక సేన తో మానవనాథుఁగాంచి బహుమానవచోగతి కుబ్బి జానకీ మానవతిం గనంగ నసమాన వనాటులఁ బంప వారలున్ మానిత మానితన్ జడిమ మాని తదాజ్ఞఁ జనంగ వారిలోన్ | 53 |
| కం. | పావని తారకమంత్ర జ పావని రఘువీరుఁ డనుప నరిగెఁ ద్రిలోకీ పావని వెదుకుటకుఁ దలం పావనితాలోకనార్థమై త్వరపడఁగాన్ | 54 |
| వ. | ఈ చందంబునం బవననందనుండు జనకనందినీ సందర్శనంబుసేయం జని | 55 |
| సీ. | తన ధైర్యరమ కోర్వ దనినట్టు లొకగట్టు - వడిమెట్టి యొకగట్టు జడియఁ దాఁకెఁ దన గభీరతఁ జాల దనులీల జలరాశి - మే జవనంబునఁ గ్రిందు మీఁదు చేసెఁ దన యణుత్వము మహత్వముఁదెల్పు చందాన - సురసలోఁదనులీలఁ జొచ్చి వెడలెఁ దన లోకబాంధవత్వము గోచరము సేయు - కరణి ఛాయాగ్రాహకత్వ మొందెఁ | |
| గీ. | దన తపఃఫలదేవతఁ గనిన సరణి ధరణిసుత లంకలోఁ గాంచెఁ దన హరిత్వ మెఱుక గావించు జోక ననేకదైత్య వరమదేభంబులను ద్రుంచె వాయుసుతుఁడు | 56 |
| వ. | మఱియును | 57 |
| మ. | పురదాహం బొనరించు శూలివలె నంభోజాప్తభూమంత్రి భీ కరవాలానలకీలికావళుల లంకాదాహముం జేసి ముం దర రామాస్త్ర పరంపరాగ్ని శిఖ లీ దారిం బ్రవేశించు నం చరులెల్లన్ వినఁ బల్కి వచ్చి సతిమేలాత్మేశుతోఁ దెల్పినన్ | 58 |
| మ. | పరమానందమునన్ విభుం డనిలభూబాహాప్రతీపప్రతా పరమావైఖరి కాత్మ మెచ్చి శుభ మాపాదింప నాపత్పరం పరమాన్పన్ నినుబోఁటి బాంధవుని సంపాదింపఁ గల్గెన్ దయా పర! మాకేమి కొఱంత యం చతని సంభావించి దీవింపుచున్ | 59 |
| సీ. | పటువనాటక వీరభట మహార్భటులచే - వనమార్గమార్గముల్ వనటఁ జెంద నగచరవ్యాయామ నాదంబుచేఁ బ్రతి - ధ్వని మిషంబున ధరాధరము లడలఁ బ్లవగవేగాటోప బాహుళ్యమున నదీ - గణము లుత్తుంగ భంగముల నొలయ హరియూధపుల యట్టహాసంపు రవళిచేఁ - బూర్వాది దిగ్గజంబులు చలింప | |
| గీ. | బలసి బహువాహినీ ప్రభుల్ గొలువ రామ విభుఁడు దక్షిణవాహినీవిభునిఁ జేరి విరహవారాశి దరిఁ జేరువిధము దోఁపఁ దత్తటంబున దిటముతో దండు విడిసె | 60 |
| వ. | తదనంతరంబున | 61 |
| తే.గీ. | దశముఖుఁడు యుద్ధ చలిత త్రిదశముఖుండు తన్ను నయమార్గ మెంచక తన్నుటయు వి భీషణుఁడు ధర్మదూర విభీషణుండు శరణు శరణనె ఖరవినాశరణుఁ జేరి | 62 |
| కం. | పగతుని యనుజు సమీపో పగతుని దయఁబ్రోచి విభుఁడు పౌలస్త్యు వధిం పఁగ దేవ! త్రోవ యిటఁ జూ పఁగదే యని మూఁడునా ళ్ళపాంపతి వేఁడెన్ | 63 |
| వ. | ఇవ్విధంబున | 64 |
| మ. | పలుమాఱుం దను వేఁడు రామవిభునిం పాటింప కుత్తుంగభం గలసత్తోయ భుజంగ సంఘఫణ భంగ ప్రౌఢరంగత్తిమిం గిలవాలప్రహత ప్రవాళశకలాకీర్ణరుణార్ణః ప్రభా కలనం దేజము సూపె వార్ధి జడధుల్ గైకొందురే ధీరులన్ | 65 |
| కం. | తన వారిసత్త్వగతిచే త నవారితనాదమగు నుదధిఁ జూచి విలో కన లుఠదనలశిఖుండై కనలుచు రఘువీరుఁ డుగ్రకార్ముక మూనెన్ | 66 |
| వ. | ఇవ్విధంబున నుద్దండ కోదండ మండిత కరుండై యచ్చండకరకులుండు ప్రచండరోషరసావేశంబున వారిరాశి గనుంగొని | 67 |
| సీ. | మొగు లానిన పరాగములు పరాగములుగా - శతకోటి శితకోటి శరము లేసె గగనంబు నొరయు భంగములు భంగములుగాఁ - జటుల బాడబ శిఖాస్త్రములు వఱపె సవరైన జలకరేణువులు రేణువులుగా - హరిదంష్ట్రికోగ్ర సాయకము లనిచెఁ గమఠమీనాదికాంగవిభూతి భూతిగాఁ - గాలాగ్నితులితాంబకములు నించె | |
| గీ. | మహిత విద్రుమములు విద్రుమములు గాఁగ లలిత మణిజాలములు జాలములును గాఁగఁ గ్రకచముఖ నిష్ఠుర శిలీముఖములు గురిసె వారినిధిమీఁద రఘువంశవర్యుఁ డడరి | 68 |
| కం. | భువనములు దలఁకఁగాఁ దన భువనము లింకించు రామభూపతి జితవా సవి నయవిధిఁ గని జలనిధి సవినయముగఁ గదిసి మ్రొక్కి సంస్తుతిఁ జేసెన్ | 69 |
| సీ. | శ్రీకర రఘుకుల క్షీరాంబునిధి సోమ! - సోమముఖ్యామరస్తోమధామ! ధామనిధిప్రశస్తప్రతాపోదార! - దారకత్వ విదారితారివీర! వీరభద్రోన్నిద్రవీరరసాధార! - ధారణాభ్యాసచేతఃప్రచార! చారణశ్రీవిలాసనిరస్తరాజీవ! - జీవభావైక్యదృష్టిప్రదాన! | |
| గీ. | దానవప్రాణహృతిబాణతతిభుజంగ! జంగమస్థావరరచనాంచత్ప్రభావ! భావనాదూర బహుపావనావతార! తారకబ్రహ్మనామ! కోదండరామ! | 70 |
| మ. | శరముల్ దావకృశానుకీలల వినాశం బొందు చందాన నా శరముల్ డిందె భవత్కరస్థల మిళచ్చాపప్రయుక్తంబు లౌ శరముల్ డాసినయంత నీ కెదురె? యీ సప్తాంబురాశుల్ జితా శర! ముల్లోకములుం జలించె నిఁక రోషం బూనకే నావుడున్ | 71 |
| కం. | జలధిన్ రఘుపతి కరుణం జలధిం గానీక కాచి సరగఁ దదాజ్ఞన్ నలుచే రిపుసైన్య దవా నలుచే సేతువు ప్రియంబునన్ గట్టించెన్ | 72 |
| చం. | కపులు హితాంచితక్రియలు గైకొని చేయుటయుం బయోధిపై విపుల శిలాపరంపరలు వేసినఁ దేలుటయున్ నరుల్ నరా దపుల జయింపఁ బూనుటయుఁ దా విపరీత మటంచు రావణుం డపుడు దలంచెఁగాని కనఁడయ్యెన్ రాముప్రభావమెంతయున్ | 73 |
| మ. | పదవిధ్వస్తగిరుల్ గపీంద్రులు భజింపన్ దేవభూదేవతా పదవిచ్ఛేదనవజ్రి రామధరణీపాలుండు సేతుస్థలీ పదవిం బోయి సువేల మెక్కి యెదుటం బౌలస్త్యు ప్రోల్ గన్న సం పద విన్నట్టుల చూచి సైనికులఁ బంపన్ వార లత్యుగ్రులై | 74 |
| స్రగ్ధర | కారాకూరంబులై రాక్షసుల హృదయముల్ గాడ్పడన్ రాము నాజ్ఞం గారాకుల్ డుల్చు వాత్యాగణము పగిది వేగంబు మీఱం బ్రదీప్రా కారాఢ్యుల్ వీరవర్యుల్ కపులు గదిసి లంకాపురీగోపుర ప్రా కారాదుల్ గూల్చి కారాగతసురవనితాక్లాంతి మాయించి రంతన్ | 75 |
| మ. | రవిపుత్త్రాంగద జాంబవత్పవనభూరంభప్రజంఘాంజనా ధవనీలర్షభతాలధూమ్ర నలమైందశ్వేతముఖ్యుల్ ప్రహ స్తవిరూపాక్ష నరాంతక ప్రముఖదైత్యగ్రామణుల్ మార్కొనన్ బవరంబయ్యె సురాసురాది సమర స్పర్ధాళుతాత్యుగ్రమై | 76 |
| సీ. | అత్రాసహస్త ప్రహస్తాద్యదైత్య వి - ధ్వంసి నీలాదియూథపమహోగ్ర మనల ధూమ్రాక్ష దేవాంతక ప్రముఖేభ - పంక్తి హరీభవత్పవన భవము ఘటకర్ణపటునాసికాకర నిగ్రహా - గ్రహరవిగ్రహకుమారప్రచార మతికాయమేఘనాదతమోవినిర్భేద - మిత్త్రాయమాణ సౌమిత్రి శరము | |
| గీ. | భూరిబలమూలబలవన ప్లోషరోష భీమరఘురామ సాయక స్తోమ భూమ దావపావకశలభీకృత త్రిలోక కంటక దశాస్య మగుచు నక్కదన మమరె | 77 |
| చం. | సమరనిదాఘవేళ శరశాతకరంబుల రామభాస్కరుం డమర విరోధి రాజకుముదావలి నొంచి తపస్వి మానసా బ్జము లలరించి వేల్పుఁ గవ జక్కవలన్ వెలిఁగించి లోకశు క్తమము లడంచి తోరపుఁ బ్రతాపమునన్ వెలుగొందె నయ్యెడన్ | 78 |
| మ. | నటదాదిత్య వధూటికాతనువితానశ్రీలు సౌదామనీ పటల చ్ఛాయలుగా నభస్తటరట త్పాకాభియాతి స్ఫుర త్పటహధ్వానము గర్జగాఁ గురిసెఁ గల్పక్ష్మాజసూన చ్ఛటా పటువర్షంబు దశాస్యకోప పరితప్త క్షోణిపైఁ జల్లఁగన్ | 79 |
| సీ. | అని దీర్ఘనిద్రఁ జెందిన వనేచరకోటి - బ్రతికించి యాశ్చర్యరసముఁ జూపె శుచిముఖంబున నిత్యశుచియైన సీతతో - రహిఁగూడి శృంగార రసముఁ జూపెఁ బగతుసోదరునికిఁ బ్రాజ్యరాజ్య మొసంగి - రక్షించి కారుణ్య రసముఁ జూపె నర్కజాదులు గొల్వ హైమ పుష్పక మెక్కి - ప్రభుతఁ గైకొని శాంతరసముఁ జూపె | |
| గీ. | నల భరద్వాజముని విందు లారగించి సంతస మెసంగ స్నేహాతిశయముఁ జూపె భరతుసేమంబుఁ గన వాయుభవునిఁ బంపి దశరథసుతుండు భ్రాతృ వత్సలతఁ జూపె | 80 |
| కం. | ఆనందించుచు రఘుపతి యా నందిగ్రామమునకు నటుల యరిగి సీ తానుజపరిజనయుతుఁడై తాను జతురలంకృతులు నుదారతఁ బూనెన్ | 81 |
| వ. | ఇవ్విధంబునం జతుర్విధాలంకార చారుశరీరుండై తదవసరంబున | 82 |
| సీ. | తన దివ్యమకుటంబు దన డంబున ననంత - మణిసంతతిద్యోత మహిమఁ గాంచఁ దన కాంచన రథంబు తన విధంబున సమా - శ్రిత దేవతా నగశ్రీ రహించఁ దన సితచ్ఛత్రకేతన రాజి దన లీల - ఘనమార్గ వర్తిష్ణుగతి వహించఁ దన పార్శ్వ చామరద్వంద్వంబు దన యట్ల - సరిలేని శరకళాస్ఫురణ మించఁ | |
| గీ. | దన పురోవీథి మ్రోయు వాద్యములు దన మ హోద్యమంబులవలెఁ ద్రిలోకోత్సవప్ర దాన హేతువులై దిగంతముల నొలయ రామచంద్రుం డయోధ్యాపురంబుఁ జేరె | 83 |
|
 |
|